Grushte ndaj aktivistëve, Krasniqi ‘shpërthen’ ndaj PDK-së
“Shoqëria civile ose përdoret nga partitë politike për interesa të tyre, ose ajo pjesa e paanshme politike shtypet nga pushteti. PDK-ja e dha shembullin e keq që shoqëria civile në Kosovë duhet të shtypet barbarisht”, u shpreh Krasniqi për “Kosova sot Online”.
Qërimin fizik të hesapeve që ndodhi të hënën nga sigurimi i PDK-së kundër prestarëve të shoqërisë civile që po manifestonin kundër miratimit të ligjit të ri, të plotësuar e të degraduar për financimin e partive politike, e ka kritikuar ashpër analisti politik, Faik Krasniqi.
Krasniqi tha për “Kosova Sot Online” se kjo ndërhyrje e punëtorëve të sigurimit pranë zyrave të PDK-së tregon më së miri se sa e brishtë dhe pa formësuar është kultura politike demokratike dhe toleranca qytetare në Republikën e Kosovës.
“Kjo ngjarje tregon që partitë politike në Kosovë janë akoma shumë larg demokracisë së botës së civilizuar. Në gjithë botën shoqëria civile respektohet, dhe pse është edhe bartëse e ndërtimit të shtetit, institucioneve dhe demokracisë. Kurse tek ne është e kundërta”, tha Krasniqi për “Kosova Sot Online”.
Madje në raste të caktuara, sipas Krasniqit, shoqëria civile edhe po keqpërdoret për interesat partiake, e nëse nuk arin të bëhet kjo atëherë sulmohet.
“Shoqëria civile ose përdoret nga partitë politike për interesa të tyre, ose ajo pjesa e paanshme politike shtypet nga pushteti. PDK-ja e dha shembullin e keq që shoqëria civile në Kosovë duhet të shtypet barbarisht”, tha analisti Krasniqi për “Kosova sot Online”.
Sipas tij, në një shtet demokratik hetimi i financimit të partive politike i takon organeve të drejtësisë, por në Kosovë drejtësinë e udhëheqin të fortit e politikës dhe para politikës.
“Nuk pres asgjë nga kjo shoqëri civile që përdoret nga partitë politike, nga njëri apo krahu tjetër. Edhe financat e shumë OJQ-ve janë shumë të dyshimta. Ky vend funksionon në errësirë. Çdo gjë është kriminale dhe e pistë”, tha Krasniqi për “Kosova Sot Online”.
(Kosova Sot Online)
