Sot mot përvëlues, nga nesër rënie drastike e temperaturave

  • 23 qershor 2019 - 07:56
Sot mot përvëlues, nga nesër rënie drastike e temperaturave

Në fundjavë nxehtë me intervale më të gjata me diell. Javën e ardhshme rënie e lehtë e temperaturave me mundësi për shtrëngata me shi

Nga dita e diel, fusha jostabile me masa më të freskëta ajrore nga Atlantiku, gradualisht do të depërtojnë mbi vendin tonë, që do të sjellin mot të paqëndrueshëm, me zhvillime edhe të shtrëngatave me shi, kryesisht orëve të pasdites.

Dhe derisa Europa perëndimore dhe qëndrore do të përballet me temperatura të larta gjatë javës së ardhshme, mbi vendin tonë temperaturat do të zbresin përreth vlerave normale për këtë periudhë kohore.

23.06 – Nxehtë. Kryesisht me diell. Pasdite zhvillime të vransira, e vende-vende priten shtrëngata të izoluara me shi.

24.06-25.06 – Të hënën, më freskët, me vransira dhe intervale me diell. Pasdite priten zhvillime të shtrëngatave me shi. Ditën e martë, vransira dhe intervale me diell. Pasdite reshje lokale shiu me bubullima.

26.06 – Pjesërisht vranët. Pasdite priten zhvillime të shtrëngatave me shi.

Temperaturat e ajrit në fundjavë do të rriten mbi vlera mesatare, e më pas në fillim të javës do të pësojnë një rënie të lehtë. Minimalet do të luhaten nga 14C deri në 16C, e ato maksimale në fundjavë do të arrijnë deri në 31C, e në fillim të javës mund të zbresin në 24C.

Do të fryj erë e lehtë dhe mesatarisht e fuqishme nga jugu-jugperëndimi 1-8m/s, me hove deri në 12m/s. Në fillim të javës do të ndryshojnë drejtimin nga verilindja me shpejtësi 3-8m/s.

Shtypja atmosferike do të luhatet përreth vlerave normale, e në fillim të javës do të shënojë rritje.

(Kosova Sot Online)