Irani kërcënon Amerikën: Do të rrëzojmë edhe më shumë dronë
Shefi i flotës detare të Iranit ka thënë se Tehrani është në gjendje të rrëzojë edhe më shumë dronë spiunë të Amerikës, sikur ai që e rrëzuan javën e kaluar.
Paralajmërimi i admiralit Hossein Khanzadi erdhi gjatë një takimi me një grup zyrtarësh të mbrojtjes.
Agjencia e lajmeve Tasnim citoi Khanzadin duke thënë se Irani gjithmonë mund të “dërgojë një tjetër përgjigje dërrmuese… dhe armiku e di këtë”.
Presidenti i SHBA-së, Donald Trump, javën e kaluar dha urdhrin për sulm ushtarak ndaj Iranit dhe e tërhoqi atë, pasi iranianët rrëzuan një dron amerikan, që ka vlerën e 100 milionë dollarëve.
Irani thotë se droni cenoi hapësirën e tyre ajrore, të cilën SHBA e mohon.
(Kosova Sot Online)