Vazhdojnë temperaturat e larta, 33 gradë është maksimalja për ditën e sotme

  • 27 qershor 2019 - 07:58
Vazhdojnë temperaturat e larta, 33 gradë është maksimalja për ditën e sotme

Fushat me presion të lartë atmosferik që kanë përfshirë Gadishullin e Ballkanit do të jenë të qëndrueshme edhe sot duke krijuar kushte për mot me diell dhe re të shpërndara.

Temperaturat minimale parashihen të lëvizin ndërmjet 16-17 gradë celsius, ndërsa maksimalet e ditës do të lëvizin ndërmjet 30-33 gradë celsius.

Sa i përket fushave barike, ato janë dhe do të mbeten të larta, për disa milibar mbi vlerat e normales.

Indeksi UV edhe më tej mbetet shumë i lartë, prandaj preferohet respektimi i këshillave të alarmuara nga Instituti Kombëtar i Shëndetit Publik.

Do të fryjë erë nga drejtimi i verilindjes e lehtë deri mesatare. 

(Kosova Sot Online)