Holanda paguan dëmshpërblim pasi hekurudhat e saj u përdoren gjatë Luftës së Dytë Botërore
Autoritetet e Hekurudhës holandeze do të paguajnë një dëmshpërblim prej 50 milionë euro të afërmve të mijëra personave që ishin transportuar në kampet e përqendrimit nëpërmjet kësaj hekurudhe gjatë Luftës së Dytë Botërore.
Roger van Boxtel, shef ekzekutiv i Hekurudhës së Holandës që ka për pronar shtetin holandez, tha se sihte koha e duhur që kompania të merrte këtë vendim.
Kompania kishte kërkaur falje publike në vitin 2005 rreth kësaj çështje.
Vendimi shënon fundin e një beteje tre-vjeçare të 83 vjeçarit Salo Muller, prindërit e të cilit ishin transportuar nga Amsterdami në kampin Vesterbork, dhe nga aty në Auschëitz.
Muller madje kishte shkruar edhe një libër ku flitet për takimin e fundit me nënën e tij dhe fjalët e fundit që ajo i kishte thënë.
Nazistët kishin paguar një shumë të madhe hekurudhave për transportimin e 102 mijë çifutëve në kampe të koncentrimit nëpër Europë.
Në këto kampe ishte edhe Anna Frank, autorja e librit të njohur me të njejtin emër që vdiç në këto kampe.
(Kosova Sot Online)