Përplasje e frikshme me kamionin, autobusi me 40 nxënës bëhet copash

Dyzet fëmijë janë dërguar me urgjencë në spital për trajtim mjekësor pasi u plagosën në një aksident, ku një autobus shkolle u përplas me një kamion në Britaninë e Madhe.

Mbi 20 nxënës mësohet se kanë marrë plagë shqetësuese në aksidentin e tmerrshëm që ndodhi pak përpara orës 13:30 të ditës së djeshme. Te të plagosurit rëndë përfshihet shoferi i autobusit dhe dy fëmijë të shkollës, të cilët mbetën të bllokuar brenda automjetit.

Zjarrfikësit e qarkut ishin midis atyre që u gjendën të parët në vendngjarje, me disa helikopterë shpëtimi që ndihmuan në transportimin e të dëmtuarve në spitalet e afërta.

Shoferi i kamionit thuhet se nuk ka pësuar lëndime, edhe pse kjo nuk është konfirmuar.

Policia ka thënë se detajet specifike rreth aksidentit do të konfirmohen në një datë të mëvonshme.  

(Kosova Sot Online)