Nga Subashi tek Llatja, Goro dhe Golemi, “gdhihen” fitues pa garë
Partia Socialiste ka të fituar garën në 4 bashki kryesore të vendit. Në bashkinë e Elbasanit kandidton i vetëm, Gentian Llatja, i propozuar nga PS si zëvendësues i Qazim Sejdinit.
Kandidati i PS është i vetmi në fletën e votimit dhe për rrjedhojë fitoren e ka të siguruar që më nisjen e procesit të votimit.
Edhe në Bashkinë e Fierit po ashtu, Armando Subashi është automatikisht i rikonfirmuarnë detyrë për një mandat të dytë.
Ndërsa në Gjirokastër, ish-deputeti i PS, Flamur Golemi pritet të zëvendësoje pa garë, Zamira Ramin e LSI-së.
Edhe në Himarë Partia Socialiste s’ka rival në garë, pasi Jorgo Goro pritet të rikonfirmohet për një mandat të dytë.
Goro ashtu si dhe kolegët e tjerë të PS nuk ka rival, pasi KQZ çregjistroi kandidatin e pavarur, Dionis Imeraj.
Njesoj ndodh edhe ne Shkoder, ku kandidat i vetem ne gare eshte socialisti Valdrin Pjetri.
(Kosova Sot Online)
