Pediatria e Mitrovicës duket si burg
Se shëndetësia kosovare nuk është në gjendje të mirë e tregon edhe Klinika e Pediatrisë në qytetin e Mitrovicës.
Dhoma ku kontrollohen fëmijët mitrovicas fare nuk ngjan me spital, por pamja e zverdhuar dhe e errët më shumë ngjan në një burg.
Por, fatkeqësisht në një dhomë të tillë kontrollohen fëmijët mitrovicas dhe, siç shihet, kjo bëhet në kushte aspak të mira.
Dëshmitarët tregojnë se në këtë vend kryhen të gjitha tretmanet për fëmijë, madje edhe problemet nga frymëmarrja.
Së fundmi, as klimat nuk janë në funksion, duke sjell kështu një ajër të dëmshëm.
Vlen të theksohet se Pediatria ka ngelur në objektin e Shtëpisë së Shëndetit në qendër të qytetit.
(Kosova Sot Online)
