Policia në Viti arreston një burrë – dhunoi seksualisht një femër

Policia e Kosovës ka bërë të ditur në Komunën e Vitisë një person është arrestuar nën dyshimet se i njëjti e ka detyruar pa dëshirën e saj një vajzë që të kryejë marrëdhënie seksuale.

Rasti që po cilësohet nga Policia si dhunim, ka ndodhur rreth orës 15:00, të shtunën derisa i dyshuari është dërguar në mbajtje.

“Është arrestuar i dyshuari mashkull K-Shqiptar, me dyshimin se ka kryer marrëdhënie seksuale me viktimën femër K-Shqiptare. I dyshuari pas intervistimit me vendim të prokurorit dërgohet në mbajtje”, shkruhet në raport.

Neni 230 i Kodit Penal të Republikës së Kosovës thotë se kushdo që kryen marrëdhënie seksuale pa pëlqimin e personit tjetër, dënohet me burg prej 2 deri në 10 vite.

(Kosova Sot Online)