E pabesueshme kjo që ndodhi në Ulqin, shikojeni katastrofën

Moti i ligë dhe erërat e forta kanë goditur mbrëmë qytetin bregdetar të Ulqinit duke shkaktuar kështu dëme të mëdha materiale.

Gjithçka ka ndodhur mbrëmjen e të martës, ndërsa sot qyteti i Ulqinit është zgjuar me një pamje krejt tjetër.

Pemë të këputura nga era, makina të thyera e aksidentuara nga lisat e rrëzuar, e shumë dëme tjera janë rezultat i erës së fortë që kishte përfshirë Malin e Zi. 

Nëpër rrjete sociale janë publikuar video e fotografi të ndryshme të cilat përshkruajnë më së miri gjendjen atje.

Reshjet e shiut kanë përfshirë edhe Kosovën e Shqipërinë nga dita e djeshme.

Meteorologët kanë njoftuar se mot i ngjashëm do të mbajë edhe dy ditët në vijim, derisa temperaturat e larta pritet të kthehen përsëri.

(Kosova Sot Online)