A do të preket Kosova nga stuhitë e fuqishme, tregon Sylë Tahirsylaj

  • 11 korrik 2019 - 10:41
A do të preket Kosova nga stuhitë e fuqishme, tregon Sylë Tahirsylaj

Stuhi të fuqishme kanë goditur rajonin duke shkaktuar vdekje të njerëzve e shumë dëme të mëdha materiale.

Këto dëme kryesisht kanë ndodhur në Greqi, Shqipëri, Mal të Zidhe Itali.

Por Kosova nuk do të preket nga këto stuhi të fuqishme që kanë ndodhur gjatë këtyre ditëve. Kështu tha për Telegrafin eksperti i meteorologjisë, Sylë Tahirsylaj, duke shtuar se klima e Kosovës është ndryshe nga klima mesdhetare.

“Jo në rajon është tjetër klimë, mesdhetare dhe faktikisht në fusha të ulta të shtypjes barike nuk vjen”, ka thënë Tahirsylaj.

Eksperti i meteorologjisë, tregoi se moti sot do të jetë me diell dhe vranësira, ndërkaq deri ditën e diel nuk do të ketë të reshura atmosferike.

Sipas tij, nga java e ardhshme priten të reshura atmosferike, mirëpo nuk janë intensive ashtu siç ishin gjatë kësaj jave.

“Sot do të jetë mot i mirë me diell me vranësira. Deri të dielën nuk ka reshje atmosferike. Nga java e ardhshme priten reshje atmosferike por nuk janë intensive siç ishin këtë javë”, ka thënë  eksperti i meteorologjisë, Sylë Tahirsylaj.

(Kosova Sot Online )