Shiste certifikata të falsifikuara, arrestohet burri nga Malisheva
Policia në Malishevë ka arrestuar një person pasi dyshohet se ai ka shitur certifikata të falsifikuara.
Rasti ka ndodhur gjatë viteve 2017-2018 ku i dyshuari ka shitur certifikata të aftësive profesionale të falsifikuara. I dyshuari i ka shitur certifikatat 250-300 euro, bën të ditur policia.
Lidhur me rastin janë edhe tre të dyshuar tjerë, dy prej tyre janë intervistuar ndërsa njëri gjendet jashtë shtetit.
Me vendim të prokurorit, i dyshuari është dërguar në mbajtje.
(Kosova Sot Online)
