E konfirmon Haradinaj, Holanda skeptike për liberalizimin e vizave

  • 11 korrik 2019 - 15:12
E konfirmon Haradinaj, Holanda skeptike për liberalizimin e vizave

Kryeministri i Kosovës, Ramush Haradinaj pas mbledhjes së Qeverisë ka mbajtur një konferencë për media.

Ai është pyetur se çfarë do të ndodhë me liberalizimin e vizave me Kosovën kur dihet se shtetet e fuqishme si Holanda kanë kërkuar sqarime shtesë nga Komisioni Evropian lidhur me këtë çështje.

Haradinaj ka thënë se në çështjen e liberalizmit të vizave ka skepticizëm.

“Ne kemi bë shumë përpjepje në radhë të parë me ia sqaru Gjermanisë, pastaj Francës tani në jemi në përpjekje me i sqaru edhe Holandës. Në çdo shqetësim të tyre me dhënë përgjigje. Unë vetë ia kam dorëzu ambasadorës këtu një material për Ministrin e Brendshëm të Holandës, pra me e qu atje me i dhënë spjegime sepse në raste të caktuara mungon njohuria e saktë se cili është rasti i Kosovës.”

Haradinaj ka thënë se Kosova qëndron më mirë se të gjitha shtetet e rajonit sa i përket përmbushjes së obligimeve për liberalizimin e vizave.

“Çështja e liberalizimit të vizave është premtuese ne kemi marrë një premtim të Gjermanisë për të ec në këtë temë, kuptohet kërkon ende punë por është premtuese” ka thënë Haradinaj.

(Kosova Sot Online)