Arrestohen dy persona për bixhoz të paligjshëm në Podujevë
Dy persona janë arrestuar në fshatin Shakovicë të Podujevës nën dyshimin për veprës penale “organizim i skemave piramidale dhe bixhoz i paligjshëm”.
Në njoftimin e policisë thuhet se sot janë konfiskuar në një lokal dhe në një shtëpi dëshmi relevante që lidhen me kryerjen e kësaj vepre.
Të dyshuarit (i pari pronar i lokalit, tjetri punëtor në lokal), të cilët janë arrestuar nga policia janë: E. H. (viti i lindjes 1998) dhe A. H. (viti i lindjes 1996). Që të dy meshkuj, shqiptarë.
Me aktvendim të prokurorit të rastit, të dyshuarit ndalohen për 48 orë në mbajtje.
(Kosova Sot Online)