Kjo do të jetë rroga e Ursula von der Leyen si presidente e Komisionit Europian
Ursula von der Leyen është zgjidhur si presidente e re e Komisionit Europian dhe do të zëvendësojë në këtë pozitë Jean-Claude Juncker prej datës 1 nëntor.
Ish ministrja e Mbrojtjes në Gjermani do të gëzojë një rritje të madhe në rrogën e saj.
Në rolin e ministres së Mbrojtjes në Gjermani von der Leyen kishte rrogë mujore 16.245 euro.
Ndërsa në Komisionin Europian rroga e saj do të jetë shumë më e madhe. Ajo pritet të marrë 27.903 euro në muaj. Rroga bazike për komisionerët ndërkohë është 20.666 euro në muaj. Kjo është 12.5% më shumë se shërbyesit më të lartë civil brenda BE’së.
Pesë zëvendës presidentët e Komisionit kanë rrogën 23 mijë.
Rrogat e Komisionit Europian janë të paguara nga buxheti i Bashkimit Europian. Komisionerët duhet të paguajnë taksat e të hyrave të tyre duke u bazuar në ligjet e shteteve të tyre respektive.
(Kosova Sot Online)