Shpezët godasin aeroplanin, vonesa në fluturimin Prishtinë-Basel

  • 31 July 2019 - 14:52
Shpezët godasin aeroplanin, vonesa në fluturimin Prishtinë-Basel

Autoriteti i Aviacionit Civil ka njoftuar për fluturimet për të cilat ka pasur probleme dhe vonesa.

Autoriteti i Aviacionit Civili informon se sot në mëngjes, fluturimi X38960 i kompanisë ajrore TUI Fly në arritje nga Aeroporti Basel – Mulhouse, pas aterrimit ka vërejtur që ka probleme teknike si pasojë e goditjes me shpezë, e cila ka ndodhur gjatë fluturimit.

Problemet teknike janë sanuar në ndërkohë, dhe aeroplani është nisur për Basel në ora 6:27 (kohë lokale), në vend të kohës së paraparë në 2:45.

Gjithashtu, aeroplani i fluturimit 8Q 710 i kompanisë Onur Air me destinacion Antalia, për shkak të një problemi teknik nuk ka mundur të niset në kohën e paraparë, në ora 3:30 (kohë lokale).

Ekipi i mirëmbajtjes së kompanisë është duke e trajtuar problemin.        

(Kosova Sot Online)