Vrasja e politikanit serb të Kosovës: PSRK interviston bashkëpunëtoren e Ivanoviqit

Prokuroria Speciale e Republikës së Kosovës interviston edhe një të dyshuar për vrasjen e Oliver Ivanoviqit

Hetimet për vrasjen e Oliver Ivanoviqit ende po vazhdojnë. Madje edhe numri i njerëzve që po merren në pyetje është goxha i madh.

Madje pikërisht këtë të mërkure një bashkëpunëtore e afërt e Ivanoviqit, është intervistuar për disa orë në Prokurorinë Speciale të Kosovës.

Bëhet fjalë për Silvana Arsoviq e cila për 13 vite i kishte qëndruar pranë njeriut që ishte kundërshtar i Listës Serbe në Kosovë.

Ajo është intervistuar nga prokurori i rastit Sylë Hoxha.

Ky i fundit e ka konfirmuar se Arsoviq është marrë në pyetje për dy orë, në cilësinë e të dyshuarës.

Ndërkohë, ky veprim i Prokurorisë Speciale, nuk i ka pëlqyer Kesnja Bozhoviqit, e cila tash udhëheq me SDP, parti kjo që kishte në krye Oliver Ivanoviqin.

Bozhoviq ka thënë se Silviana Arsoviq nuk është në asnjë formë përgjegjëse për vrasjes të mistershme të Oliver Ivanoviqit.

E Bozhoviq lë fajtor edhe organet e rendit për mos zbulimin e kësaj vrasje.

Oliver Ivanoviq është vrarë më 16 janar të vitit 2018 në rrethana ende të panjohura.

(Kosova Sot Online)