Zyrtari i lartë i VV’së i reagon Uran Ismailit për Albin Kurtin
Zyrtari i Vetëvendosjes, Boiken Abazi, thotë se Partinë Demokratike të Kosovës e ka kapur paniku, pasi që, sipas tij, po vjen koha e qeverisjes së Albin Kurtit.
Ismaili reagoi nga të parët për takimin që sot patën Kurti dhe kryetari i LDK’së, Isa Mustafa, duke thënë se tash lideri i VV’së po “i serviloset” atij, duke e quajtur “profesor”, ndërsa dikur e quante “shërbëtor të Rrahman Morinës”.
Boiken Abazi thotë se kjo është shenjë e shpërthimit të panikut në PDK.
“Një shpërthim i panikut të PDK-së, si ky që sapo tregoi publikisht Uran Ismajli, do të jetë normale edhe në vazhdim nga ana e përfaqësuesve të PDK-së sepse po vjen … #QeveriaKurti”, ka shkruar zyrtari i
VV’së nga Tirana.
Mustafa e Kurti u takuan sot për herë të parë që prej dorëheqjes së kryeministrit Ramush Haradinaj.
Takimi ishte i paparalajmëruar ndërsa ata më vonë u deklaruan në profilet e tyre në rrjetin social Facebook.
Në postimet e tyre thanë se janë pajtuar që Kuvendi duhet të shpërbëhet me 22 gusht dhe të shkohet në zgjedhjet e reja.
(Kosova Sot Online)