Pritje deri në gjashtë orë në Merdare

Për të dalë nga Kosova nga pika kufitare Merdare, mërgimtarët janë duke pritur deri në gjashtë orë.

Sipas Qendrës Kombëtare për Menaxhim Kufitar, kolonat në këtë pikë janë deri në një kilometër e 200 metra në dalje të kësaj pike. Kurse në hyrje deri në 50 metra.

Në pikën kufitare Dheu i Bardhë kolonat janë deri në 200 metra në dalje, në hyrje deri në 50 metra. Kurse pritjet deri në 45 minuta.

Ndërsa në Mutivodë kolonat janë deri në 300 metra në dalje. Pritjet deri në një orë.

Po ashtu kolona janë shkaktuar deri në 500 metra në dalje të Jarinjes, ndërsa pritjet janë deri në dy orë në dalje.

(Kosova Sot Online)