E vranë dhe e hodhën në kanal, kush janë 2 të rinjtë që u lanë në burg

  • 15 gusht 2019 - 16:23
E vranë dhe e hodhën në kanal, kush janë 2 të rinjtë që u lanë në burg

Gjykata e rrethit gjyqësor në Fier ka vendosur sot masën e sigurisë burg pa afat për Sadri Selacin dhe Kiri Mernicaj ,dy autorët e vrasjes së Florian Selimit.

Trupi i Florian Selimit është gjetur i hedhur në një kanal më 12 Gusht 2019 në “Kthesën e Hamilit “. Në trupin e viktimës ishin gjetur shenja të prerjeve me thikë nga të cilat ishte shkaktuar dhe vdekja.

I riu nga Tropoja kishte disa vite që jetonte në fshatin Sulaj të Fierit, fshat në të cilin banojnë edhe dy autorët e ngjarjes.

Trupi gjykues drejtohej nga gjyqtari Ergys Selmani dhe prokuror Hysen Ajsllari që ka kërkuar edhe masën e sigurisë arrest me burg për të pandehurit të cilët nuk e kanë pranuar akuzën.

 Zbardhet vrasja e Florian Selimit në Fier, policia arreston 2 autorët e dyshuar

Njoftimi i policisë për ngjarjen

Ne date 12 gusht rreth orës 07:00, në vendin e quajtur “Kthesa e Hamilit” është gjetur pa shenja jete shtetasi F.S, 23 vjeç.

Nga veprimet e para hetimore dyshohet se 23-vjeçari ka ndërruar jetë si pasojë e plagës së marrë nga goditja me një mjet të mprehtë(thikë), dyshohet gjatë një konflikti.

Grupi hetimor po punon për zbardhjen dhe dokumentimin e kësaj ngjarje.

Policia ka shoqëruar disa persona dhe po vijon puna për identifikimin dhe kapjen e autorit.

(Kosova Sot Online)