Arrestohet një i dyshuar për komplot terrorist në Suedi

Policia në Suedi ka ndaluar një person, nën dyshimin se ka komplotuar për të kryer “krime terroriste”, njoftoi prokuroria suedeze.

Radio suedeze tha se personi ishte nga Uzbekistani, ndërkaq e përditshmja Aftonbladet, citoi disa burime, të cilat kanë thënë se policia po heton lidhjen e të dyshuarit me Rakhmat Akilov, një terrorist uzbek, i dënuar për vrasjen e pesë personave në Stokholm më 2017.

Në deklaratë, policia tha se ky person u ndalua të mërkurën, derisa po voziste në qytetin Ostersund, dhe u paraburgos për shkak të dyshimeve të një komploti për të kryer vrasje, përcjell REL.

Zëdhënësi i policisë nuk pranoi të tregojë kombësinë e të dyshuarit.

“Ne po zhvillojmë marrjen në pyetje dhe rishikim e dëshmive” tha ai.

(Kosova Sot Online)