Grabitje si nëpër filma, me armë hajnat vjedhin pompën e benzinës

  • 19 gusht 2019 - 08:36
Grabitje si nëpër filma, me armë hajnat vjedhin pompën e benzinës

Tre persona të panjohur nën kërcenimin e armëve duke lënduar rojet kanë grabitur rreth 900 euro të holla në një pompë e derivateve në fshatin Kramovik të Rahovecit.

Rasti ka ndodhur të shtunën në mbrëmje rreth orës 22:00.

Rastin për media e ka konfirmuar zëdhënesi i Policisë për rajonin e Gjakovës, i cili tha gjatë grabitjes nuk ka pasur viktima, ndërsa rojet e pompës kanë pësuar lëndime.

“Të shtunën në mbrëmje rreth orës 22:00 ka ndodhur një grabitjes në një pompë të derivateve në fshatin Kramovik të Rahovecit. Viktima nuk ka pasur por të dyshuarit kanë përdorur forcë në rastin e grabitjes dhe rojet e pompës kanë pësuar lëndime të lehta”.

Policia konfirmoi grabitësit kanë pasur një armë të gjatë gjuetie dhe një revole, dhe kanë vjedhur rreth 900 euro.

“Për momentin kemi një pistë të hetimeve, kemi disa të dyshuar edhe pse nuk është arrestuar askush, po punojmë në zbardhjen e rastit. Vlera e parave të grabitura është diku rreth 900 euro. Sipas viktimave kanë qenë dy të armatosur që kanë hyrë brenda pompës, ndërsa ata kanë parë edhe personin e tretë i cili nuk ka dalur nga automjeti. Njëri nga grabitësit ka pasur armë të gjatë, armë gjuetie dhe tjetri grabitës ka pasur revole”, tha zëdhënësi i Policisë për rajonin e Gjakovës.

(Kosova Sot Online)