Gjakovë: U kapën me 31 kg drogë, paraburgim për dy të dyshuarit

  • 22 August 2019 - 18:26
Gjakovë: U kapën me 31 kg drogë, paraburgim për dy të dyshuarit

Gjykata Themelore në Gjakovë ka aprovuar kërkesën e Prokurorisë Themelore të Gjakovës, për caktimin e masës me nga një muaj paraburgim ndaj dy shtetasve shqiptarë A. M. (1) dhe A. M. (2), pasi dyshohen se kanë kryer veprën penale blerje, posedim, shpërndarje dhe shitje e paautorizuar e narkotikëve, substancave psikotrope dhe analoge.

Të pandehurit dyshohen se më 21 gusht 2019, pa autorizim kanë importuar substancë narkotike nga Shqipëria në Kosovë, me ç’rast njësia antidrogë gjatë kontrollit në bagazhin e njërën nga veturat e tyre kanë gjetur katër thasë me marihuanë, me peshë 31 kilogramë e 102 gramë.

Palët kanë të drejtën e ankesës ndaj këtij vendimi në Gjykatën e Apelit.

(Kosova Sot Online)