Detajet e para nga QKUK, për aksidentin që ndodhi sot në Prishtinë

Një aksident i rëndë ka ndodhur në rrugën “Agim Ramadani”. Një kamion i mbeturinave, i kompanisë “Pastrimi”, ka goditur rëndë një makinë, pasi që i janë prishur frenat.

Mjekët nga QKUK-ja për media  kanë njoftuar për gjendjen shëndetësore të të lënduarve në aksidentin e sotëm të Prishtinë.

Në aksidentin me kamion që ndodhi sot janë tre të lënduar që janë jashtë rrezikut për jetë.

“Tre të lënduar janë dërguar për në Emergjencën e QKUK-së. Në mesin e tyre nuk ka fëmijëm kurse gjendje shëndetësore e këtyre tre të lënduarve është jashtë rrezikut për jetë”, ka njoftuar mjeku kujdestar në QKUK, Ibrahim Maliqi.

Mësohet se kamioni është i kompanisë ‘Pastrimi’ dhe punëtori i kësaj kompanie që ka qenë mbrapa kamionit është i lënduar.

Policia e kontaktuar nga media deri më tani nuk kanë dhënë informacione për këtë rast. 

(Kosova Sot Online)