Vrasja në Lagjen e Spitalit, Shefqet Krasniqi e Fatmir Latifi shkojnë për t’i pajtuar dy familjet
Dy të vdekur e tre të plagosur ishte bilanci i përgjakshëm i ngjarjes tragjike të gjuajtjes me armë javën e kaluar në Lagjen e Spitalit në Prishtinë.
Familjet Rafuna e Mehmeti, të cilat ishin pjesë e këtij konflikti, raportohet se tash e 50 vite ishin fqinjë mes vete, dhe se më herët nuk kishin pasur probleme.
Për të ulur tensionet dhe për t’u ndalur gjakmarrja, këto familje janë vizituar sot nga ish-imami i Xhamisë së Madhe në Prishtinë, Shefqet Krasniqi dhe hoxha nga Mitrovica, Fatmir Latifi.
Krasniqi, bashkë me hoxhallarë të tjerë kërkuan nga familjet t’i shtrijnë dorën e pajtimit njëra tjetrës.Kjo është bërë e ditur përmes një postimi në Facebook, nga vetë hoxha Shefqet Krasniqi.
Postimi:
- Sot gjatë ditës hoxhë Shefqet Krasniqi dhe hoxhë Fatmir Latifi me bashkëpuntor vizituan dy familjet e prekura nga gjakëderdhja e javës së kaluar në lagjën Mati 1 - Prishtinë
- Me këtë rast familjeve ju shprehën ngushllime dhe i lutën dy familjet që t'i ulin tensioniet, të pendohen për veprën e bërë dhe të mundohen bashkarisht me dal prej kësaj gremine sa ma shpejtë, duke ja shtrirë dorën e pajtimit njëri tjetrit dhe duke u zotuar se më nuk do të përsëriten gjëra të tilla.
- Hoxhollarët i falenderuan familjarët për mikpritje dhe shprehën gatishmëri për me hec në këtë drejtim deri sa të vijë tek pika e fundit, pajtimi.
(Kosova Sot Online)
