Flet Haki Abazi: Dardan Molliqaj dhe shoqëruesi i tij më sulmuan

Pas polemikave të ashpra, Dardan Molliqaj i PSD’së dhe Haki Abazi i Vetëvendosjes janë përleshur fizikisht.

Abazi ka thënë se Molliqaj e ka sulmuar bashkë me një shoqërues të tij.

“Mas emisionin, në dalje e sipër dardani me atë rojën e tij, ose përcjellësin, kanë ardhë edhe janë përballë, në njëfarë forme, në kacafytje, e cila ka përfundu me një situatë të pakëndshme”. Ka thënë Abazi.

“Unë kam qenë në dalje tu ecë jashtë korridorit bashkë me Rexhep Hotin. Kanë ardhë nga mrapa.  Me zë kërcënues, mi kanë kap duart, njëri ma ka vënë dorën në qafë ”, ka thënë Abazi.

Media ka provuar ta kontaktojë Molliqajn, por ai nuk është përgjigjur.

(Kosova Sot Online)