Aksidenti me makinën e blinduar me targa ruse, kush është 34-vjeçari që ndërroi mbiemrin, vëllai i deputetes...

I riu 34-vjeçar i aksidentuar mbrëmjen e së mërkurës në rrethrrotullimin e sheshit “Shqiponja” në Laprakë, rezulton të jetë vëllai i një prej deputeteve më të reja në Kuvend.

“BalkanWeb” shkruan se 34-vjeçari Eldin Dergjini, është vëllai i deputetes së opozitës në parlament, Ambra Borova. Kujtojmë se Borova, mori mandatin e deputetes pasi opozita vendosi djegien e tyre në shkurt të vitit të kaluar. Borova zëvendësoi në sallën e Kuvendit deputetin e Shkodrës nga radhët e LSI, Agron Çela.

34-vjecari Dergjini ka ndërruar mbiemër për shkak të precendentëve penalë. Ai është arrestuar në Shqipëri për kundërshtim të punonjësit të rendit publik dhe në Itali për narkotik

Makina e blinduar me targë ruse H001CH 199 është dërguar në Drejtorinë e Tiranës dhe i është nënshtruar një kontrolli të imtësishëm por nuk janë gjetur sende të paligjshme në të. I aksidentuari pretendon se makinën e ka sjellë nga jashtë vendit dje nuk e ka pajisur ende me dokumentacion shqiptar.

(Kosova Sot Online)