Reagon Shaban Syla: Do t’i publikoj pamjet e takimeve të komandantëve me agjentin serb
Pas publikimit të lajmit se Shaban Syla, i dënuar në rastin Bllaca 2, ka paralajmëruar se së shpejti do ta bëjë publike një transkriptim me numër zyrtar të gjykatës, ku tregohet për takimet e komandantëve që tash janë drejtues të subjekteve politike me Nazim Bllacen, ka reaguar vet Syla.
Më poshtë mund ta lexoni reagimin e Sylës pa ndërhyrje:
Kundërreagim të lajmit së datës 15.09.2019
Nuk jam prej atyre që dikë paradite e servilizoj, e pasdite e shantazhoj, që në mbrëmje e ngreh në qiell, e në mëngjes e hedh në humnerë. Nuk jam i tillë, me karakter e dinjitet gjendem që tetë vjet duke u shëtitur burgjeve të Kosovës. Madje edhe dy muaj pas skadimit të dënimit, mbahem i kidnapuar, edhe atë person me rrezikshmëri të lartë. Për atë që i quani shantazhe, do të doja do të kisha shantazhuar para tetë vjetëve. Sepse që tetë vjet posedoj këtë transkriptim me video-incizim, të këtyre alamet komandantëve, me agjentin e UDB’së serbe, Nazim Bllaca. Nuk do t’ju thosha asgjë, do të heshtja për t’i mbuluar poshtërsitë e tyre Por dua vetëm ta zbardhi të vërtetën.
Shaban Syla, QKD, Dubravë, 16.09.2019.
(Kosova Sot Online)