“Kisha gruan e sëmurë brenda në shtëpi”-Qytetari tregon tmerrin nga lëkundjet: U futa brenda dhe…
Tërmeti i sotëm solli frikë dhe panik tek qytetarët, ndërsa kanë qenë të shumtë edhe ata që kanë kërkuar ndihmë nëpërmjet mediave.
Një qytetar, ka treguar tmerrin që ka përjetuar nga lëkundjet e forta të tërmeteve.
Qytetari nga Zall-Bastari, shprehet se lëkundjet e forta i kanë dëmtuar shtëpinë. Ai thekson se natën është i detyruar ta kalojë në shtëpinë e prishur pasi nuk ka mundësi të lëviz pasi ka djalin dhe gruan të sëmurë.
“Dëmtimet i kemi pasur në banesë. Unë isha jashtë dhe gruaja ishte brenda, sepse është e sëmurë. U futa brenda dhe e nxora jashtë nusen. Në lëkundjen e dytë kemi qenë jashtë banese. Aktualisht jam në banesë brenda, sepse e kam gruan e djalin të sëmurë”-tha ai.
(Kosova Sot Online)