Lushtaku: E kam votuar Rugovën dhe e kam pasur fotografinë e tij në lokal

Sonte në emisionin Pressing,  janë duke u përballur për herë të parë Sami Lushtaku e Gani Geci, dy figura të UÇK’së nga Drenica, që pas luftës iu takonin dy krahëve me rivalitet të madh politik.

Gani Geci LDK’së dhe Sami Lushtaku i PDK’së po flasin në Pressing për shumëçka që lidhet me luftën, pasluftën dhe politikën dhe ballafaqojnë argumentet e tyre mbi çështjet për të cilat mbajnë pozicione të kundërta. 

Sami Lushtaku ka treguar se e ka votuar Ibrahim Rugovën në vitin 1992.

“Po, po pa dyshim se e kam votuar Ibrahim Rugovën në vitin 1992, bile e kam pasur edhe fotografinë e tij në lokal në Skenderaj”, ka thënë Lushtaku.

Ai ka treguar se për këto raste ka pasur edhe telashe me policinë.

“Bile për këto votime jemi përleshur edhe me policinë e atëhershme”.

(Kosova Sot Online)