Pas tërmetit në Durrës, Basha: Banorët kanë nevojë për mbështetje dhe jo propagandë
Gjatë një vizite tek një familje e prekur nga tërmeti në Durrës, kreu i PD-së, Lulzim Basha u shpreh se banorët kanë nevojë për mbështetje dhe jo për propagandë.
Basha tha se urgjentisht duhet të bëhet evidentimi dhe transparenca e dëmeve për çdo banesë dhe biznes.
“Të caktohet dhe shpallet publikisht fondi i posaçëm i buxhetit për riparimin e banesave të prekura. Të pezullohen pagesat e ujit dhe energjisë për familjet e dëmtuara, deri në stabilizimin e gjendjes.
Pezullimin e taksës së pronës deri në rikuperimin e dëmeve të shkaktuara. Mbështetje me kredi të buta për bizneset që kanë pësuar dëmtime nga tërmeti”, tha Basha.
(Kosova Sot Online