KQZ blen 600 euro mbushje telefoni për ta informuar stafin në ditën e zgjedhjeve

Komisioni Qendror i Zgjedhjeve është mobilizuar për të kryer përgatitjet e zgjedhjeve të parakohshme të 6 tetorit.

Ky institucion të martën ka blerë SMS për informim të stafit për Zgjedhjet e parakohshme për Kuvendin e Kosovës 2019.

E gjithë kjo do t’i kushtoj KQZ-së 600 euro.

Kjo është bërë e ditur në njoftimin për nënshkrimin e kontratës në Komisionin Rregullativ të Prokurimit Publik.

Përfituesi i kësaj kontrate është operatori “Green Soft”.

Ndryshe, javën e kaluar KQZ është pajisur me UV sprej dhe me kabina letre për ditën e zgjedhjeve.

 (Kosova Sot Online)