Hamza thotë se me qeverinë Veseli do të ketë rritje ekonomike 7 për qind

Kandidati për deputetë nga PDK-ja, Bedri Hamza ka treguar disa nga prioritet ekonomike nëse PDK-ja fiton zgjedhjet.

Hamza ka thënë se prioritetet e PDK-së në zgjedhjet e 6 tetorit janë rendi dhe ligji, shëndetësia, arsimi dhe ekonomia, përcjell media.

Ai tha se në programin e PDK-së ka projekte të mëdha që kanë të bëjnë me rritjen ekonomike. Rritja ekonomike sipas Hamzës do të jetë 7 përqind.

“Rritja ekonomike kryesisht do të bazohet në investime të sektorit publik e privat, në konsum, rritje të eksporteve. Ne programin tonë janë projektet e mëdha siç janë gazsjellësi, Brezovica dhe ristrukturimi i kombinatit Trepça”, tha Hamza në një emison televiziv.

Në këtë debat ai ka përmendur disa lehtësira në tatime për bizneset private që sipas tij Qeveria nën udhëheqjen e kandidatit Kadri Veseli do t’u dal në ndihmë prodhuesve vendor.

Ndër të tjera Hamza përmendi edhe inicimin për legalizim të 350 mijë pronave pa leje.

(Kosova Sot Online)