Branbiq tregon nëse kanë pranuar ndonjë ofertë nga Merkeli në këmbim të njohjes së Kosovës

  • 26 September 2019 - 11:21
Branbiq tregon nëse kanë pranuar ndonjë ofertë nga Merkeli në këmbim të njohjes së Kosovës

Ditë më parë në mediat serbe është raportuar se kancelarja gjermane, Angela Merkel, i ka bërë ofertë Serbisë që të ndërtojë në territorin e saj fabrikën e gjigantit gjerman ‘Volkswagen’ në këmbim të njohjes së pavarësisë së Republikës së Kosovës.

Lidhur më këto raportime ka folur sot kryeministrja e Serbisë, Ana Brnabiq, në një intervistë për Pink. Ajo ka thënë se Gjermania asnjëherë nuk ka ofruar dhe nuk do të bënte një ofertë të tillë.

“Të gjithë në botë sot e dinë se gjëra të tillë kurrë nuk do të na ofroheshin. Unë thash që Kosova nuk është në shitje për ne”, ka thënë Brnabiq.

Ndër të tjera kryeministrja serbe ka thënë se konflikti i ngrirë në mes dy shteteve i kontribuon destabilizimit të mundshëm.

Ndërkohë për zgjedhjet e parakohshme që do të mbahen më 6 tetor, Brnabiq ka thënë se është e qartë që kushdo që do të vijë në pushtet pas zgjedhjeve, do t’i bëhet presion për të hequr taksën dhe për të vazhduar dialogun.

(Kosova Sot Online)