Dramë në parkun e lojërave, 2 të vdekur

Të paktën dy persona humbën jetën të shtunën pasi vagoni i një treni në parkun e lojërave në Meksiko City u rrëzua në tokë.

Dy persona të tjerë u lënduan nga aksidenti në parkun argëtues “La Feria Chapultepec”, thanë zyrtarët vendas. Dëshmitarët okularë thanë se viktimat ranë nga karroca e fundit e rrotulluesit Chimera në park, transmeton media. Parku popullor u mbyll menjëherë pas incidentit dhe autoritetet tani po hetojnë shkakun e aksidentit.

“Kjo tani është në duart e prokurorëve, të cilët tashmë kanë ndërmarrë hapat e nevojshëm për një hetim”, tha Miriam Urzua, një zyrtare nga organizata e mbrojtjes civile.

Dëshmitari okular Rosalba Rodriguez u tha gazetarëve se nuk kishte pasur asgjë të jashtëzakonshme gjatë udhëtimit, i cili kishte përfunduar një pjesë të mirë të rrugës, derisa ajo pa se karroca e fundit po binte. Zyrtarë nga parku i lojërave thanë se “iu vjen keq për aksidentin e tmerrshëm” dhe se po hetojnë rastin së bashku me autoritetet përkatëse.

(Kosova Sot Online)