Vjen akuza e rëndë ndaj PDK-së

Ish-prokurori amerikan Matthew Whitaker i cili mori pjesë në fushatën elektorale të Partisë Demokratike të Kosovës, nga zyrtarët e PDK-së u prezantua si njeri i presidenti, Donald Trump, por një gjë e tillë u demantua menjëherë nga Ambasada e SHBA-së në Kosovë.

Poashtu Whitaker deklaroi se tashmë flet vetëm për veten dhe si një qytetar privat, e jo si përfaqësues i Qeverisë Amerikane.

”Kisha dëshiruar që ai (Donald Trump) të flas vet për veten, jam qytetar privat jam kthyer në botën reale, e nuk dua të flas si përfaqësues i Qeverisë Amerikane.”, tha ai në tubimin e PDK-së.

Poashtu në medie u raportua se Whitaker është nën hetime edhe nga FBI. E REL e zbuloi se për fjalimin në tubimin e PDK-së, ish-këshilltari i Trumpit u pagua 110.000 dollarë. 

E sipas analistëve politikë, kjo është edhe një propagandë nga radhët e PDK-së, dhe se pagesa e tij për atë fjalim a është paguar taksat e qytetarëve.

Analisti politik, Faik Krasniqi tha se për hir të pushtetit këta janë në gjendje të bëjnë çmos.

"Të sjellin edhe matrapazët më të mëdhenj të botës. Ambasada amerikane e demantoi këtë njëri, që ai nuk përfaqëson Amerikën", tha Krasniqi për "Kosova Sot Online".

Sipas Krasniqit, asnjë zyrtar i një shteti tjetër nuk del hapur për të mbështetur një kandidat të një vendi tjetër.

"Asnjë zyrtar i një shteti nuk del hapur ta mbështes ndonjë parti apo kandidat të një shteti tjetër, sepse është ndërhyrje direkte në punët e brendshme të atij shteti. Një popull me vetëdije të ulet beson në përrallat e këtyre politikaneve që po i gënjejnë që 20 vite rresht. Këta për dy dekada kanë vjedhur me miliarda nga ky popull, e lëre më s'po i keqpërdorin disa qindra mijëra euro për të sjellë matrapaza në mbështetje gjatë fushatës parazgjedhore!", përfundoi Krasniqi për "Kosova Sot Online".

(Kosova Sot Online)