Si u zhdukën fletëvotimet në Runik të Skenderajt, Musa Dervishaj tregon versionin e tij!

  • 10 tetor 2019 - 10:09
Si u zhdukën fletëvotimet në Runik të Skenderajt, Musa Dervishaj tregon versionin e tij!

Kandidati për deputet nga radhët e koalicionit NISMA-AKR-PD Musa Dervishaj, pohon se ka pasur parregullsi në procesin zgjedhor në fshatin Runik të Skenderajt.

Në Runik, sipas Dervishajt banorët e këtij fshati nuk kanë pasur mundësi të votojnë pas orës 16:30 në mungesë të fletëvotimeve, të cilat hedh dyshime se janë fshehur qëllimisht nga ndonjë subjekt politik për të siguruar numër më të madh të votave. Më tu njoftuar me rastin, sipas Dervishajt, ka reaguar edhe Policia e Kosovës e cila ka nisur hetimet në po atë ditë për zbardhjen e këtij rasti. 

“E vërteta e 06 tetorit në Runik!

1). Në orën 16 e 30 minuta ne kutin e votimit kishte rreth 150 fletvotime!

2). Nga ora 16 e 30 minuta asnjë votues nuk kishte mundësi për të votuar sepse nuk kishte as edhe një fletëvotim të vetëm të pa plotësuar!

3). Rreth gjysem ore pas, policia e K9osovës ishte brenda shkollës duke kërkuar nepër klasë 5 blloka ( 250 fletëvotime përafersisht)!

4). Dy blloka me rreth 100 fletëvotime u panë jasht shkolle këta 2 blloka mungojn edhe sot”, ka deklaruar ai, përmes një postimi në profilin e tij në rrjetin shoqëror “Facebook”.

Ndryshe, me vendim të KQZ-së pas ankesës së NISMA-s është vendosur për rinumërim të votave në mbi 300 vendvotime.

(Koosva Sot Online)