Përfundon numërimi i votave të mërgatës, ja cila parti kryeson

Ka përfunduar procesi i numërimit të votave për subjektet politike të ardhura me postë nga jashtë Kosovës.

Është paralajmëruar që pas pak do të përditësohet numri përfundimtar i votave që subjektet politike kanë marrë nga diaspora.

Kur ishin numëruar mbi 12 mijë vota rezultati ishte ky:

Lëvizja Vetëvendosje ishte në epërsi me 6341 vota. LDK ndodhej e dyta me 2034 vota ndërsa PDK’ja kishte 1928 vota.

Koalicioni Nisma-AKR-PD kishte 826 vota, AAK-PSD ka 541 vota.

Ndërkohë tani pritet të përfundojë edhe numërimi i votave me kusht në mënyrë që të shpallet rezultati përfundimtar i zgjedhjeve.

Ndërkohë analisti Blerim Vela ka thënë se as pas numërimit të votave të mërgatës koalicioni Nisma-AKR-PD nuk e ka kaluar pragu, duke iu nevojitur vetëm edhe 81 vota që të kalonin pragun.

(Kosova Sot Online)