Veseli e Haradinaj pozojnë nga bjeshka, njëri në të Nemunat e tjetri në ato të Ishtedimit
Pas humbjes së zgjedhjet e jashtëzakonshme parlamentare të 6 tetorit, udhëheqësit e PAN’it kanë vendosur që të këndellen në bjeshkë. Ramush Haradinaj e Kadri Veseli u janë drejtuar sot bjeshkëve, njëri në Bjeshkët e Nemuna e tjetri në Bjeshkët e Ishtedimit.
Përmes një postimi në Facebook, Veseli ka njoftuar se për fundjavë është ngjitur në Qafën e Valbonës për të bërë kalimin drejt Thethit.
Posted by Kadri Veseli on Saturday, October 26, 2019
“Për fundjavë vendosa të shkoj në Bjeshkët e Namuna duke ngjitur Qafën e Valbonës për të bërë kalimin drejt Thethit. Bukuria magjike e këtyre maleve madhështore, të stolisura me veshjen shumëngjyrëshe të vjeshtës, është një burim i pashtershëm energjie për mua”, ka shkruar Veseli.
Ndërkohë, Haradinaj ka njoftuar se këtë të shtunë ka dalur për të vrapuar në bjeshkët e Ishtidimit.
Haradinaj ka ndarë disa fotografi në profilin e tij zyrtar në Facebook.
Posted by Ramush Haradinaj on Saturday, October 26, 2019
“Ditë e bukur sot për vrapim në shtigje të gjata, në Bjeshkët e Ishtedimit”, ka shkruar Haradinaj në Facebook.
Ndryshe, ditë më parë Kryetari i Degës së PDK’së në Skenderaj, Sami Lushtaku, kishte thënë se do ta pres këndelljen e Veselit për të folur për rezultatin e keq të PDK’së.
“Ende nuk është këndellë ai, të këndellet një herë e tani kemi mundësi me folë gjithçka”, ka thënë Lushtaku.
(Kosova Sot Online)