Kush është numri 2 i ISIS që u eliminua bashkë me Al-Bagdatin, askush nuk flet për të
Ditën e djeshme, u njoftua vdekja e kryeterroristit Abu Baker al Bagdati, ndërsa u tha se bashkë me të u vra edhe zëvendësi i tij, pra numri dy i kësaj organizate, i cili mbante emrin Abu Hassan al Muhajir, njëkohësisht ishte edhe zëdhënësi i Shtetit Islamik. Këtë lajm e përcjell edhe gazeta greke “Stohos”.
Por cili është në të vërtetë Abu Hassan al-Muhajir?
Abu Hassan al-Muhajir, në fakt quhet Janis Jorgjilas allias John Georgia një greko-amerikan, i cili ishte i diplomuar në Teologji ortodokse bizantine.
Ai mori emrin mysliman Yahya Abu Hassan, kur u konvertua në vitin 2001, teksa ishte student. Më pas, kur u bashkua me Shtetin Islamik, Jorgilas mori pseudonimin e luftës Yahya Al Bahrum. Ky emër pasqyron origjinën e tij greke. Ai u bë numri dy më i fuqishëm në hierarkinë e organizatës së Shtetit Islamik. Ai ishte i lidhur ngushtë me zëdhënësin e Shtetit Islamik, Abu Mohammed Al Adnan, i cili u vra në 30 gusht 2016 nga një sulm ajror amerikan.
Si një mbështetës i vendosur i ringjalljes së Kalifatit, ai kishte siguruar mbështetjen e qarqeve të fuqishme xhihadiste në Siri dhe Irak, të gatshëm ta mbështesin, madje ta rrëzonin Al Bagdadin, nëse ai nuk arrinte të proklamojë një kalifat islamik në territoret që pushtoi.
Kur jetonte në Shtetet e Bashkuara Jania Jorgjilas dëshironte të ishte imam në një xhami lokale, por asnjë xhami nuk e dëshironte atë, për shkak të pikëpamjeve të tij ekstremiste. Ai punoi si përkthyes i teksteve fetare myslimane në anglisht dhe njëkohësisht bëri predikime në internet në arabisht dhe anglisht, të cilat luajtën një rol të rëndësishëm në rekrutimin prej vendeve perëndimore te esktremistëve. Ai fitoi një reputacion të tillë në internet, përderisa shumë të indroktinuar nga e gjithë Evropa udhëtuan në Egjipt. Kur qeveria e Vëllazërisë Myslimane u rrëzua në qershor 2013 nga Mohamed Morsi, ai mori familjen e tij dhe shkoi në Turqi (Gusht 2013).
Nga atje kaloi, si mijëra xhihadistë të tjerë të huaj, në veri të Sirisë, ku lufta civile kishte dy vjet që pati nisur.
Jorgilas mbeti në Siri dhe luftoi në vijën e parë. Ai u plagos rëndë dhe u vlerësua i papërshtatshëm për pjesën e përparme, por ai ishte ideal i vendosur për të marrë përsipër propagandën e organizatës.
Që nga viti 2015 ai ka qenë në krye të revistës xhihadiste “Dabiq”, organit zyrtar të Shtetit Islamik, si dhe fushatës propaganduese në internet të muslimanëve muslimanë në Perëndim dhe nxitjen e tyre për sulme terroriste në vendet perëndimore.
Më 5 dhjetor 2016, Shteti Islamik njoftoi që zëdhënësi i ri zyrtar i saj dhe në thelb i dyti në hierarkinë e Shtetit Islamik, u mor nga Abu al-Hassan al-Muhajir. Ebu al-Hasani nuk është askush tjetër përveç Joani Jorgjilas.
Që atëherë, nuk ka pasur asnjë lajm për veprimin e Janis Jorgilas, një vendas në Teksas, deri të djelën, 27 Tetor, kur vrasja e “kalifit” u njoftua nga një komando amerikane.
(Kosova Sot Online)
