Skandali seksual me të miturën në Kosovë – lajm në median kryesore të botës
Lajmi se gjashtë personave iu është ngritur aktakuzë nga Prokuroria Themelore në Prishtinë, për rastin e njohur si rasti i të miturës nga Drenasi ka marrë vëmendjen e mediave kryesore të botës.
Një nga mediat kryesore të botës, BBC shkruan se prokurorët në Kosovë kanë ngritur aktakzuë për gjashtë persona të dyshuar për përdhunimin e një të reje, rasti ky që goditi shtetin e Ballkanit.
Adoleshentja dyshohet se është abuzuar nga një mësues dhe më pas nga një polic më shumë se dy vite, kur kishte vetëm 16 vite.
Prokuroria kishte filluar hetimet pasi që për këtë rast ishte bërë e ditur përmes mediave.
Në shkurt të këtij viti, policia kishte arrestuar një mësues, një polic dhe një gjinekolog të akuzuar për detyrim në kryerje të abortit në mënyrë të jashtëligjshëm.
Lidhur me këtë kishte reagur edhe presidenti i Kosovës, Hashim Thaçi, që e kishte përshkruar rastin si ‘tragjik’.
Kjo ngjarje kishte provokuar zemërim në Kosovë, derisa ishin mbajtur protesta për të drejtat e grave para selisë së Policisë në Prishtinë.
Të mëkurën, nga prokuroria kanë thënë se gjashtë persona përfshirë mësuesin dhe policin kanë aktakuzë lidhur me rastin.
Ata po akuzohen “nën dyshimet se kishin kryer veprën e abuzimit seksual, abuzimit të pozitës së tyre … dhe nxitjen e një shtatëzënie të paligjshme”, janë deklaruar nga prokuroria.
Si kishte ndodhur rasti?
Sipas raportimit të mediave, dyshohet se vajza është dhunuar për herë të parë në vitin 2017 nga mësuesi i saj.
Derisa e njejta e kishte raportuar rastin në polici, dyshohet se është dhunuar në mënyrë të vazhdueshme nga një polic i cili po e hetonte rastin. Derisa e mitura me të njëjtin kishte mbetur shtatëzënë, në janar, i njëjti polic e kishte dërguar në Prishtinë, duke e detyruar që të kryejnë abort. Të dy këta i kanë mohuar akuzat, thuhet sipas raportimeve.
Ndryshe, Prokuroria Themelore në Prishtinë, Departamenti për të Mitur, ka ngritur aktakuzë dje , kundër gjashtë të pandehurve me inicialet Sh.Gj., V.V., G.H., F.C., I.R., dhe H.H., për shkak të dyshimit për abuzim në rastin e vajzës nga Drenasi.
Në njoftimin për media thuhet se të njëjtit kanë kryer veprat penale “Keqpërdorimi seksual duke keqpërdorur pozitën, autoritetin apo profesionin”, “Nxitja e akteve seksuale me premtim të rrejshëm të martesës”, “Shtytja në ndërprerjen e palejuar e shtatzënësisë” dhe “Frikësimi gjatë procedurës penale”.
(Kosova Sot Online)
