Vetëvendosje akuzon KQZ’në dhe PZAP’në për shtyrjen e certifikimit të rezultateve

Lëvizja Vetëvendosje i është drejtuar sërish Gjykatës Supreme lidhur me pakot me fletëvotime nga mërgata.

Përmes një komunikate drejtuar mediave, Vetëvendosja ka akuzuar Komisionin Qendror të Zgjedhjeve dhe Panelin Zgjedhor për Ankesa dhe Parashtresa se po kontribuojnë aktivisht në shtyrjen e çertifikimin e rezultatit final dhe në tentativën për t’ia mohuar votuesve nga jashtë Kosovës të drejtën e tyre për të zgjedhur.

“Është e paprecendent që vendimet e Gjykatës Supreme të shpërfillen në mënyrë të sinkronizuar qoftë nga KQZ qoftë nga PZAP. Ata me këto veprime prej 12 tetorit po kontribuojnë aktivisht në shtyrjen e çertifikimin e rezultatit final dhe në tentativën për t’ia mohuar votuesve nga jashtë Kosovës të drejtën e tyre për të zgjedhur”, thuhet në komunikatë.

(Kosova Sot Online)