Kryeministri në detyrë sot mbanë konferencë për media
Zyra për komunikim me publikun e qeverisë në detyrë përmes një komunikate ka njoftuar se sot Kryeministri në detyrë Ramush Haradinaj do të mbajë konferencë për media.
Në komunikatë bëhet e ditur se Haradinaj në konferencë do të flasë për “Qeverisjen Haradinaj II” në ora 12:00 në ndërtesën e qeverisë.
Para dy ditësh Qeveria në detyrë e Kosovës mbajti mbledhjen e radhës për buxhetin në të cilën u shqyrtua propozim-vendimi për kursime dhe ndarje buxhetore të organizatave buxhetore, raporti i Thesarit për të hyrat dhe shpenzimet nëntëmujore si dhe propozim-vendimi për rivarrimin e Dëshmorëve të Kombit.
Kryeministri në detyrë, Ramush Haradinaj, tha se mbledhja e sotme është e një rëndësie të veçantë.
“Veteranët të kenë përkujdesje, kemi propozimin për Fondin Amerikan”, tha ai.
Ministri në detyrë i Financave, Bedri Hamza, foli për gjendjen financiare dhe buxhetin e kursimet.
(Kosova Sot Online)