Zbulohet karriera kriminale: Dardan Sejdiu njeriu i SHIK-ut, Shpend Ahmeti...
“Dardan Sejdiu edhe para se të bëhet pjesë e PSD-së, pra gjatë kohës kur ka qenë në Lëvizjen Vetëvendosje, ka qenë pjesë e SHIK-ut duke u bërë kinse nuk po din asgjë, dhe duke dhënë urdhra protestuesve që ta gjuajnë Policinë e Kosovës dhe njësinë Speciale me koktej mollotov, si dhe ti djegin ndërtesat e Qeverisë së Kosovës”, tha Grapci për “Kosova Sot Online”.
Analisti politik, Dardan Grapci, nuk e sheh të rastësishëm deklarimin e Dardan Sejdiut për kinse dorëheqje nga të gjitha strukturat e PSD-së, në shenjë të përgjegjësisë për humbjen që PSD-ja e pësoi në zgjedhjet e 6 tetorit, për tu kthyer zyrtarisht aty ku ka qenë për plot dy mandate, pra në Komunën e Prishtinës.
Kthimin e Dardan Sejdiut përsëri në Komunë, Grapci e vlerësuar të pa sinqertë, sepse në fakt ai është kthyer aty jo për vetëkritikë dhe pranim të përgjegjësisë për humbjen e zgjedhjeve të 6 tetorit, por që t’i shërben nëntokës kriminale të SHIK-ut, nga e cila e ka edhe prejardhjen e angazhimit në politikë.
Prandaj sipas Grapcit, Dardan Sejdiu edhe e ka luajtur vazhdimisht rolin e shefit të shefave, sikurse ishte Adem Grabovci në PDK gjatë mandatit të Hashim Thaçit.
Grapci dëshmon se ka qenë pikërisht Dardan Sejdiu, ai që i ka sabotuar protestat e qeta dhe të drejta të Lëvizjes Vetëvendosje, duke i nxitur protestuesit e painformuar, që ta provokojnë policinë dhe të nxisin incidente, të cilat pastaj kanë shpërthyer në dhunë për shkak të pamundësisë së kontrollimit të masës qytetare.
“Dardan Sejdiu edhe para se të bëhet pjesë e PSD-së, pra gjatë kohës kur ka qenë në Lëvizjen Vetëvendosje, ka qenë pjesë e SHIK-ut duke u bërë kinse nuk po din asgjë, dhe duke dhënë urdhra protestuesve që ta gjuajnë Policinë e Kosovës dhe njësinë Speciale me koktej mollotov, si dhe ti djegin ndërtesat e Qeverisë së Kosovës”, tha Grapci për “Kosova Sot Online”.
Në linjë të njëjtën me Dardan Sejdiun, sipas Grapcit, qëndron edhe Shpend Ahmeti, prandaj koordinimi i tyre gjithnjë ka qenë i arsyeshëm dhe ka funksionuar pa asnjë problem.
“Si për manipulimin e protestuesve, demonstruesve, si për zhvatje të buxhetit, për lidhjet me Devollët dhe për tregti me lejet dnërtimore, prandaj do të duhej ndjekur nga Prokuroria e shtetit dhe ndëshkuar. Mendoj që dyshja Ahmeti dhe Sejdiu, si dhe ata që qëndrojnë prapa këtyre skenave kriminale, duke i përfshirë edhe klanin Pronto dhe Coca Zero që duhet të dënohen”, shtoi Grapci për “Kosova Sot Online”.
Sipas tij, nëse kjo qeveri e re që po pritet të formohet së shpejti e reformon, pastron dhe pavarëson sistemin e drejtësisë, atëherë rrjeti kriminal që po qeverisë me Komunën e Prishtinës, është e sigurt që do të hetohet dhe do të ndëshkohet.
“Qeveria e ardhshme duhet urgjentisht ta reformoj sistemin e drejtësisë ku këta peshq të mëdhenj urgjentisht të kapen, të ndëshkohen dhe Prishtina të shpëtohet nga hallka e kriminalizuar. Ky grup i krimit të organizuar po pretendon që ta privatizon edhe kryeqytetin kriminalist, për të mos e lënë atë të zhvillohet e ndërtohet ashtu sikur që janë nevojat dhe kërkesat e qytetarëve”, tha Grapci për “Kosova Sot Online”.
Analisti Grapci thotë se edhe pse i kanë humbur zgjedhjet për Kuvendin e Kosovës, Shpend Ahmeti, Dardan Sejdiu dhe grupi i tyre kriminal po provojnë që ta shfrytëzojnë ata pushtet që e kanë në Komunë për të zhvatur në pjesën e mandatit të mbetur, andaj po ndodhë tani ri kthimi i Dardan Sejdiut aty ku ka qenë më parë, ndonëse nuk i dihet nëse do të shkojë deri në fund, apo do t’i ndërpritet së shpejti edhe ajo pozitë.
“Prandaj Shpendi Ahmeti dhe Dardan Sejdiu, dhe klika e tyre, janë duke menduar që edhe pse kanë humbur në zgjedhjet e 6 tetorit, luftën ende nuk e kanë përfunduar, por fakti është se ata nuk po e dinë që fundi i kriminalitetit të tyre është afër dhe që do të dalin para drejtësisë shumë shpejtë, sepse jam i bindur dhe besoj që me Qeverinë e re, drejtësia e udhëhequr nga pushtetarët kriminal do të pastrohet, ku do të krijohet një drejtësi e re, e pastër dhe me njerëz të guximshëm për ta luftuar krimin e organizuar që është krijuar që nga pas lufta në Kosovë”, përfundoi Dardan Grapci për “Kosova Sot Online”.
(Kosova Sot Online)