Digjet shtëpia e familjes 6 anëtarëshe në Plemetin të Obiliqit gjatë kohës sa ishin në gjumë

Policia raporton se një shtëpi në Plemetin të Obiliqit është përfshirë nga zjarri.

Sipas raportit të Policisë, viktima i komunitetit ashkali ka raportuar se derisa kanë qenë duke fjetur, shtëpia e tij e banimit është kapluar nga zjarri.

“Në vendin e ngjarjes kanë dalë njësitë policore si dhe zjarrfikësit të cilët e kanë lokalizuar zjarrin. Nuk raportohet për të lënduar, ndërsa vlera e dëmit nuk dihet, por shtëpia është djegur dhe tani është e pabanueshme. Viktima së bashku me familjen gjashtë anëtarëshe është strehuar tek të afërmit e tij. Për momentin nuk dihet shkaktari i zjarrit”, thuhet në raportin 24-orësh të PK-së.

(Kosova Sot Online)