Rinumërimi i votave, KQZ thotë se do të punojnë në dy ndërrime fton partitë për të vazhduar
Komisioni Qendror i Zgjedhjeve ka njoftuar se ka filluar procesi i rinumërimit të votave pas vendimti të PZAP-së.
Në një përgjigje për media, zëdhënësi i KQZ-së, Valmir Elezi ka thënë se do të numërohen 1.428 vendovotime.
“Pasi e kemi marrë vendimin e PZAP-it dhe pasi kemi parë me vëmendje listën e vendvotimeve që duhet të rinumërohen, mund t’iu them se janë:
1 mijë e 428 vendvotime që do të rinumërohen gjatë ditëve në vazhdim. Pra, nga lista e PZAP-it 30 vendvotime ishin të shënuara nga dy herë dhe 12 vendvotime të tjera janë rinumëruar më parë në QNR me vendim të KQZ-së”, tha Elezi.
Zëdhënësi i KQZ-së ka njoftuar se do të punojnë në dy ndërrime, derisa kanë ftuar partitë politike për vëzhgim.
“Qendra e Numërimit dhe Rezultateve do të punojë në 2 ndërrime si dhe është shtuar numri i tavolinave apo njësive të numërimit nga 23 në 32, në mënyrë që të arrijmë që sa më shpejt të përmbyllim të gjithë këtë proces. Për të vëzhguar procesin e rinumërimit janë njoftuar edhe subjektet politike, të cilat mund të dërgojnë nga 1 vëzhgues për secilën njësi numërimi”, tha Elezi.
(Kosova Sot Online)