Sulm në shkollë, dyshohet se 15-vjeçari i plagosi 6 persona në Kaliforni

Së paku gjashtë persona janë lënduar pasi një person i armatosur hapi zjarr në një shkollë të mesme në Kaliforni, njoftuan zyrtarët.

Incidenti ndodhi në Shkollën e Mesme Saugus në veri të Los Angeles, disa minuta para se të fillonte orari mësimor.

Policia e përshkroi të dyshuarin si një aziatik i veshur me rroba të zeza, raporton BBC.

Autoritetet e mbyllën shkollën dhe institucionet tjera arsimore në afërsi.

Sipas faqes LA Times, i dyshuari është një 15 vjeçar.

Transmetimet e drejtëpërdrejta nga helikopteri treguan zyrtarët policorë në vendin e ngjarjes dhe të plagosurit duke u bartur përmes autoambulancave.

Policia iu bëri thirrje njerëzve që jetojnë në afërsi, të mbyllin dyert e shtëpive, derisa kërkimet për të gjetur të dyshuarin po vazhdojnë.

(Kosova Sot Online)