Pamje nga aksidenti i tmerrshëm në Podujevë, ku mbeti i vdekur një person
Një person ka mbetur i vdekur e dy të tjerë kanë marrë lëndime nga një aksident në Lluzhan të Podujevës. Sipas Policisë, në këtë aksident kanë qenë të përfshirë dy vetura.
Rastin për media e ka konfirmuar zëdhënësi i Policisë, Bajram Krasniqi.
Krasniqi ka thënë se personat e lënduar janë dërguar për trajtim në Qendrën Klinike dhe Universitare të Kosovës.
“Është njoftuar edhe emergjenca dhe njësia e zjarrfiksave. Njësitë në vendin e ngjarjes kanë njoftuar, se mjeku në vend ngjarje ka konstatuar se një person ka ndërruar jetë. Dy persona tjerë të lënduar janë dërguar në QKUK-Prishtinë. Në aksident janë të perfshira dy automjete”, ka thënë Krasniqi.
Media iu sjell pamje nga vendi ku ndodhi aksidenti.
(Kosova Sot Online)