Vazhdon rinumërimi/Janë kryer 233 nga 1428 vendvotime
Në Qendrën e Numërimit dhe Rezultateve po vazhdon rinumërimi i 1428 vendvotimeve.
Këto vendvotime në rinumërim kanë shkuar me vendim të Panelit Zgjedhor për Ankesa dhe Parashtresa.
Procesi i rinumërimit të këtyre vendvotimeve pritet të zgjasë më shumë se 3 javë dhe kështu vonon certifikimin e rezultateve të zgjedhjeve dhe formimin e institucioneve të reja.
Deri në orën 16:00 të ditës së premte, numri i vendvotimeve të rinumëruara ka arritur në 233 sipas të dhënave të Komisionit Qendror të Zgjedhjeve.
Njohësit e çështjeve politike kanë theksuar se vonesat dhe zvarritjet e tilla mund të përkeqësojnë gjendjen aktuale politike në Kosovë.
Ata kanë konstatur se vakuumi institucional në Kosovë më së paku i kontribon situatës politike në të cilën gjendet Kosova përballë sfidave të mëdha.
(Kosova Sot Online)