Votat nga Serbia ende figurojnë në websajt zyrtar, KQZ-ja tregon se kur do të largohen

  • 16 nëntor 2019 - 13:29
Votat nga Serbia ende figurojnë në websajt zyrtar, KQZ-ja tregon se kur do të largohen

Komisioni Qendror i Zgjedhjeve nuk e ka zbatuar ende vendimin fillimisht të PZAP-së dhe Gjykatës Supreme për pakot e ardhura nga Serbia.

Të paktën kjo konifirmohet duke iu referuar websajtit zyrtar të KQZ-së, ku shihet se fletvotimet e ardhura nga Serbia ende qendrojnë në sistem. Përkundër që tashme po bëhen disa ditë kur dy instanca gjyqësore kanë urdheruar KQZ-në t’i largojë ato fletvotime.

Në vendimin e PZAP që mban datën 11 nëntor, PZAP kishte urdhëruar KQZ-në, që të largojë nga rezultati përfundimtar i zgjedhjeve votat e votuesve jashtë Kosovës të ardhura nga Serbia.

Në anën tjetër, KQZ ka nis të zbatoj vendimin gjyqësor për rinumërimin e mbi 1400 kutive.

Media, ka kontaktuar me zëdhënsin e KQZ-së, Valmir Elezin, i cili tha se ato rezultate së shpejti pritet të largohen dhe se KQZ-ja nuk do të publikojë rezultate të tjera deri në zbatimin e të gjitha vendimeve të institucioneve përkatëse.

“Komisioni Qendror i Zgjedhjeve do të veprojë ashtu siç ka bërë deri më tani, pra në përputhje me vendimet që e obligojnë KQZ-në. Prandaj, me qëllim të zbatimit të vendimit të PZAP-it, i konfirmuar nga Gjykata Supreme, do të largohen nga rezultati përfundimtar rezultati i fletëvotimeve nga Serbia”.

“Komisioni Qendror i Zgjedhjeve nuk do të publikojë rezultate të tjera njëherë, pasi kjo do të bëhet në një fazë të mëvonshme dhe pasi të zbatohen të gjitha vendimet e institucioneve përkatëse”, tha Elezi.

Kujtojmë se pas ankesave të ndryshme të subjekteve poltike të cilat garuan në zgjedhjet e 6 tetorit, shumë nga vendvotimet janë rinumëruar, deri sa aktualisht po rinumërohen edhe 1428 vendvotime të tjera.

(Kosova Sot Online)